MOTORLANen espezialistak gara eszitazio independentea duten korronte zuzeneko motorrak konpontzen, mantentzen eta optimizatzen. Ekipo horiek oraindik ere funtsezkoak dira kontrol doitasuna, parearen egonkortasuna eta kargapeko fidagarritasuna kritikoak diren erabilera industrialetan.
Gure esperientzia eta gaitasun teknikoari esker, motor mota horiek zaharberritzen ditugu, eta hasieran zuten errendimendu balioak edo balio horiek hobetuta ere bueltatzen dizkiegu, honako eragiketa hauek eginez:
- Diagnostiko elektriko eta mekanikoa, konponketa profesional baten oinarria.
MOTORLANen analisi oso bat egiten dugu, elementu hauetan edozein gorabehera identifikatzeko:
- Eszitazio bobinak eta induzitua egiaztatzea.
- Isolamendu probak (Megger) armaduran eta eremuan.
- Kolektorearen eta eskuilen egoera egiaztatzea.
- Erresistentziak, jarraitutasuna eta simetria neurtzea.
- Multzoaren azterketa mekanikoa: errodamenduak, lerrokadura, bibrazioa.
Diagnostiko horrekin, esku hartze plan zehatz eta fidagarri bat egin dezakegu.
- Kolektorearen konponketa eta mekanizazioa.
Motor mota honen elementu kritikoenetako bat da kolektorea. MOTORLANen honako lan hauek egiten ditugu:
- Kolektorea perdoi zehatzekin arteztea
- Zirrikituak garbitu eta delgen arteko isolamendua egiaztatu
- Eskuilak gogortasun eta konposizio baliokideak dituzten ereduekin ordezkatzea
- Eskuilen euskarria eta laneko presioa doitzea
Pauso horiek kommutazio garbi eta egonkorra ziurtatzen dute.
- Eszitazio independenteko sisteman esku hartzea.
DCIE motorretan, eremuko bobinek fluxu konstante eta uniformea entregatu behar dute. Hau egiten dugu:
- Eszitazio bobinak konpontzea edo birbobinatzea
- Bernizatzea eta labetik pasatzea, maila industrialean
- Fluxu magnetikoa eta bere egonkortasuna egiaztatzea
- Konexioak eta eremuko terminalak doitzea
Horrek guztiak bermatzen du motorrak bere pare izendunari eta abiadura kontrolari doitasunez eustea.
- Azken saiakuntzak proba bankuan
Motor bakoitza entregatu aurretik, saiakuntza ziurtatuak egiten ditugu:
- Korronte proba hutsean eta karga proba
- Pare, abiadura eta errendimenduaren saiakuntza
- Kontrol termikoa funtzionamenduan
- Bibrazioaren analisia
- Eszitazioko korrontearen eta armaduraren neurketa zehatza
Soilik balioek estandarrak betetzen dituztenean ematen da amaitutzat motorra.
Goian deskribatutakoaren ondorioz, hauek dira MOTORLANek egindako prozesuaren abantailak:
- Aurrezpen esanguratsua, berri bat erostearekin alderatuta
- Geldialdi denbora murriztea
- Hobekuntza teknikoak inplementatzeko aukera
- Konponketa ziurtatuak eta trazagarriak
- Motor industrial konplexuetan espezializatutako zerbitzua
Jarri gurekin harremanetan zure motorra ebaluatzeko eta konponketa soluziorik eraginkorrena, fidagarriena eta zure ekoizpen beharretara egokitua eskaintzeko.